Ek tera Nasha, Ek mera Nasha

THESE ARE THE WORDS OF A GUY WHO IS IN LOVE WITH A DRUG ADDICT GIRL.....WHILE ALL OTHER HATE HER DRUG ADDICT PART...HE IS THE ONLY ONE TO UNDERSTANDS HER NEED OF SYMPATHY AND A HAND THAT CAN PULL HER OUT OF THE FIX SHE IS IN

Ek nasha Tera hai aur Ek nasha mera hai

Ek adaa teri hai, uspe ghayal saari Fiza hai

Tu sharaab daru peeti hai, mai baarish ka paani peeta hoon

Aa aazma le meri chahat ko, tujhse zyada nashe me jeeta hoon

Tu aaine me khudko dekhti hai, Mai har nazaare me tujhe dekhta hoon

Ye chillam cigar cheej kya hai, bin nasha kiye hi tujhme khoya khoya rehta hoon

Kuch log kehte hai, ki teri muskaan dekh ke, unko haseen khayaal aata hai

Wo aashiq kya jo muskurahat ki kashish me tere aansooon dekh nahi pata hai

Wo kehte hai ki tere ishq me wo bikhre mujhse zyada fir bhi befikar yoon hai

Fir jab ishq ke samandar me aage nikal aaye toh kinaara dekhte kyu hai

Beeta dard ka lamha, jab milke bhi tum dil se mil na paayi thi

Koshish ek aur kar, baahein khuli hain, aaja jaise inme tab samayi thi

mai jab dil se yaad karta hoon, tum ek pal jaise mil hi jaati ho

fir kyu chaukhat pe aakar wapas jaane ko mooh ghumati ho

Jaane kya cheej samajhti ho khud ko, teer ya khanjar,

Maana Dil ghayal kuch baar ho gya, par ab ban gaya pathhar

Tere bikhre sawaalon ka mera ishq ek akela jawaab hai

Tere honge kai hazaar, meri tu bas ek khwaab hai

Teri inn aadaton se shikwa toh hume bhi hai

Laakh dete honge hidaayat aur salaah, par humdardi toh hume hi hai

Mujhe maaloom hai tum andarr se kitni ghutti rehti ho

Sabke taane sunti ho par majboor si chup baithi rehti ho

Ek mauka toh dena ishq ko apni dawa aazmaane ka

Teri aadat chudaane ka, tujhe apne nashaa ka jalwa dikhaane ka

Teri aadat mitaane ko, ishq ko nazdeek aane do

Unhe tum bhool hi jaogi, sirf chorrne ki baat karti ho

Mai bas yahin sarak kinaare toofanon me bhi tera intezaar karunga

Jab dil bhar jaaye, wapaas chali aana, harr baar yahin milunga

. .  .   .    .     .      .       .        .         .           .             .               .                   .

LAST TIME I HAD SHARED A 4LINE STANZA multistanz....AND HERE IS THIS VARIATION

….THANKS FOR VISITING…PLEASE COME BACK AND THE NEXT TIME ALONG WITH YOUR FAMILY AND FRIENDS AND YOUR BELOVED SAATHIYA…

PLEASE SHARE MY LINK

https://authoreklavya.wordpress.com/

https://authoreklavya.blogspot.com/

 AS THATS THE WAY GUYS YOU CAN INSPIRE ME TO KEEP WORKING…

FEEDBACKS AWAITED

HERE'S THIS MULTISTANZ; A ROMANTIC GENRE ... HOPE THAT YOU ALL RECOGNIZE WITH IT OR ATLEAST ITS PARTS

Beet gaya tera ishq fir kyu dard mujhpe barsa rahi ho

Kyu sitam ki aandhiyaan beintehaan yoon dhah rahi ho

Ho gaye the hum judaa, tum pe na raha ye dil fida

Fir nashili aadat ki tarah, bicharr kar kyu yaad aa rahi ho

Ishqwaale dard-e-dil me ansuni ankahi kahaani bante hai

Deewane bante hai, ishqwaale bante hai, fir unke afsaane bante hai

Ek zara unke dard me, aur duaa aur marz me

Lo sun lo aaj hum bhi apni kuch bhooli-bisri yaadein likhte hai

Ye hai kahaani ek karz ki aur ek zamaane ke ek bedard ki

Uske ishq ki, uske karz ki, mere bikhre dil ke marzz ki

Ek akela dil mai tanha tha, bas ek sahara uska kandha tha

Jis saathi ko kabhi jaan na saka, usko mere diye dard ki

Main har pal hasta jaata tha tum pal pal roti rehti thi

Mere berukh dil se haar kar Kone me maayus baithi rehti thi

Main aaj samajhta hoon tum mere ishq me kaisi paagal thi

Main chai me adrak maangta tha, tum aasoon peekar bhi khush rehti thi

Jab hum ghumne jaate the main tumse alag ho jaata tha

Bheed ki mehfil aur mastii me tera saath bhool hi jaata tha

Aaj kis dar pe karoon shikaayat teri gumshudgi ki

Kitna marta hoon main aaj ki kyu tujhe tanha chorr jaata tha

Tu mere paas itni thi fir bhi door kitni thi

Mere isshq ki chahat me, madhosh choor kitni thi

Par tere ehsaas se nafrat kar, dil ye patthar ban jaata tha

Maaloom hua hai ab, ki aise me, hamari kahani beshaq mitni thi

Main tere ghar kabhi aata tha, har choti lambi baat karwi hi sunaata tha

Yaadon me gham de jaata tha, aankhe aansoo se nam kar jaata tha

Fir bhi isshq tumhara itna beintehaan yoon, inn sitamon se beparwah kyu,

Ki har baar jharokhe se nazrein milati thi, jab bhi main laut kar wapas jaata tha

Khair ye sab baatein hai, sirf adhure iraadein hai

Teri maafiyon ki, meri galtiyon ki, dard bhari kuch yaadein hai

Dil mera ab sudhra hai, isme tujhse seekhi wafaayein hain

Aashiq ban ek kaafir aaj rab se maangta duaayein hai

Yaad hai wo chowk jaha tum pehli baar mujhse takraayi thi

 Muskaan meri aadhi si thi, aur tum bhi zara sharmaayi thi

Fir aaj wahi se wo kahaani puri karne mai laut aaya hoon,

Intezaar me hoon ki tu fir milegi jaise kabhi takrayi thi.

 . .   .    .     .      .        .          .            .                  .                           .                                   

Kuch dhuaa hua, kuch bachaa hoon, ab bas kuch palon me mit raha hoon

Majdhaar me hoon, Doob raha hoon, teri kashti ke intezaar me hoon

 Tujhpe lutaane ko, tujhpe mitaane ko ab bhi halki jaan baaki hai

Waqt nahi hai saason ke paas par darr pe teri aahat ab bhi baaki hai

STORYLINE-TO BE CONTUNUED

I REQUEST ALL TO SUGGEST A TITLE FOR THIS

....THANKS FOR VISITING...PLEASE COME BACK AND THE NEXT TIME ALONG WITH YOUR FAMILY AND FRIENDS AND YOUR BELOVED SAATHIYA...

PLEASE SHARE MY LINK http://authoreklavya.blogspot.in/ AS THATS THE WAY GUYS YOU CAN INSPIRE ME TO KEEP WORKING...

This was the first multistanz from me and so, sorry for all the mistakes i have made in it, and i promise to improve on everything i am bad at in my upcoming works...and i will try my very best to come up with stupidandgenerous works almost every week...so keep coming back

FEEDBACKS awaited...

:)